Аристотель бол МЭӨ 384-322 онд амьдарч байсан эртний Грекийн гүн ухаантан, логикийн шинжлэх ухааныг үндэслэгч юм. Ингээд ухамсарт сэтгэхүйд тань нөлөөлөхүйц гүн ухаантан Аристотелийн хэлсэн ишлэлүүдийг хүргэе. Та найруулсан хар кофе уун, задгай салхивчаар гадаах ертөнцийг ширтэнгээ нэгийг бодож хоёрыг тунгаагаарай.
Аристотель Улс төрийн тухай
Тэрээр " хүн бол уг чанараараа улс төрийн амьтан". Бидний хувьд нийгэмгүйгээр хэн ч биш, жинхэнэ хүн байж чадахгүй гэжээ. Хүний нийгмийн хамгийн дээд хэлбэр төр улсад л байх болно гэдгийг тэр хэлсэн юм. Ингээд Аристотель төрийн хамгийн сайн гурван хэлбэрийг тодорхойлсон.
Нэгдүгээрт монархи буюу хаант төр. Энэ төрд нэг л удирдагч байх ёстой. Ийм төр сайн байхын тулд өөрийн ашиг сонирхлын төлөө төрийг ганцаараа удирддаг тираны засаглалд шилжихгүй байх хэрэгтэй.
Дараагийнх нь сайн засаглал буюу аристократ хэлбэр юм. Энд цөөнх ба олонх удирдагч байх бөгөөд зөвхөн цөөнхийн удирддаг олигархийн засаглалд шилжих боломжгүй.
Дараагийнх нь сайн засаглал бол полиси буюу ардчилал. Ардчиллын нэг сөрөг тал бол түргэн хугацаанд бөөгнөрсөн хүмүүсийн засаглал бий болгож чадна.
Аристотель аз жаргалын тухай
Хүн өөрийн бүх чадвараа ашиглаж байж л жаргалтай болно.
Аристотель аз жаргалын гурван хэлбэрийг гаргаж тавьсан. Хамгийн эхний аз жаргал бол зугаа таашаал юм. Харин хоёрдахь нь чөлөөтэй бас хариуцлагатай иргэн байх. Гурав дахь төрлийн жаргал бол сэтгэгч буюу философичийн амьдралаар амьдрах явдал гэжээ.
Үйлдэл, ариншинг тохируулсан үед л би жаргалтай амьдарч чадна.
Аристотель баялгийн тухай
Мөнгө олох амьдрал нь албадлагын дагуу хийгддэг, учир нь эд баялаг нь бидний хайж буй сайн зүйл биш бөгөөд зөвхөн өөр зүйлд тустай байдаг.
Аристотель ариун журмын тухай
Шударга үйлс хийснээр шударга хүн, даруу үйл хийснээр даруу хүн төрдөг. Ихэнх хүмүүс үр ашиггүй мэдээллээр бөмбөгдүүлж, философич болох гэж хичээснээрээ өөрийгөө сайн хүн гэж эндүүрдэг.
Ариун журам бол сонголттой холбоотой зан чанарын төлөв байдал юм.
Хариуцлагын тухай Аристотель
Зөвхөн гадаад нөхцөл, тааламжтай зүйлийн төлөө хүн хариуцлага хүлээх нь утгагүй юм. Гагц өөрийнхөө төлөө, өөрийнхөө өмнө хариуцлагатай байх хэрэгтэй.
Хүн мунхагийнхаа төлөө хариуцлага хүлээдэг гэж үзвэл бид түүнийг мунхагийнх нь төлөө шийтгэдэг.
Үнэний тухай Аристотель
Та үзэн ядалт, хайр дурлалдаа илэн далангүй байх ёстой, учир нь хүн өөрийнхөө мэдрэмжийг нуух нь үнэнийг хайхрахгүй байх явдал бөгөөд энэ нь хулчгар хүний зан юм.
Хүн бүр өөрийн төрөлх зан чанарын дагуу ярьж, үйлдэж, амьдардаг. Худал бол муу, үнэн бол эрхэмсэг. Хамгийн эрсдэлтэй газар хүн илүү үнэн байна.
