Анхны үнсэлтийнхээ тухай санаж байна уу? Тэр үед зүрх чинь булгилж, сандарч чичрээд их л хэцүүхэн байсан биз дээ? Эсвэл анхны үнсэлтээ хэн нэг нандин хүнд хадгалсаар л байна уу? Тэгвэл анхны үнсэлтэндээ бэлэн үү?
Аливаа зүйлийг анх удаа хийхэд үргэлж сандардаг. Тиймээс энэ үед сандарч тэвдэх нь байх л зүйл. Тэгэхээр анхны үнсэлтээ хийхдээ анхаарах хэдэн зөвлөгөө өгье.
- Юун түрүүнд өөрөөсөө түүний тухай хэдэн зүйл асуугаарай.
- Чи түүнд итгэдэг үү?
- Чи түүнтэй хамт байхдаа тайван, тааламжтай байдаг уу?
- Тэр үнсэхийг чинь зөвшөөрнө, бас чамайг буцаагаад үнсэхийг хүснэ гэдэгт итгэлтэй байна уу?
- Өөрийгөө хүчилж байна уу, эсвэл түүнтэй дотносохыг хүсэж байна уу?
Харилцаанд сэтгэлээ илэрхийлэх олон арга бий. Ямар хэлбэрээр тэр сэтгэлээ илэрхийлбэл чамд илүү таатай байх вэ?
Хаана, хэзээ байвал тохиромжтой гээд олон зүйлийг бодож үзэх хэрэгтэй. Бас эдгээр асуултын дагуу нөгөө хүнтэйгээ ч ярилцаж илэн далангүй ойлголцоорой. Түүнийг хүчилж яавч болохгүй шүү.
