Дуучин Тейлор Свифтийн муур 97 сая ам.долларын хөрөнгөтэйгөөрөө дэлхийн чинээлэг тэжээвэр амьтдын тоонд зүй ёсоор оржээ.
“All About Cats” сэтгүүлийн саяхан гаргасан тайланд 33 настай поп одын хайртай муур Оливиа Бенсон дэлхийн хамгийн баян тэжээвэр амьтдын жагсаалтын гуравдугаарт бичигдэж, 97 сая долларын хөрөнгөтэй гэжээ.
Энэхүү жагсаалтыг инстаграмын аналитик дээр үндэслэн гаргасан байна. Тэжээвэр амьтдын алдартай брэндүүдийн нүүр царай болж, сурталчилгаанд тоглосон байдал, өөрсдийн албан ёсны сошиал хаягийн дагагчдын тоо зэргийг харгалзан үзжээ.
Сэтгүүлийн тайлбарт “Оливиа инстаграмын нөлөөгүйгээр амжилтанд хүрсэн” гэж бичжээ. Шотландын үүлдэр болох Оливиа эзэнтэйгээ хамт хэд хэдэн дууных нь клипэнд тоглож, өөрийн гэсэн нэрийн барааны брэндтэй болж, өндөр төсөвтэй зар сурталчилгаанд тоглож баяжсан байна.
Гэсэн хэдий ч All About Cats-ийн хамгийн баян тэжээвэр амьтдын жагсаалтыг тэргүүлээгүй. Нэгдүгээрт, 500 сая ам.долларын хөрөнгөтэй VI Гүнтер дуудлагатай Герман хоньч үүлдрийн нохой, хоёрт инстаграмд алдартай Нала хэмээх 100 сая ам.долларын үнэтэй муур тэргүүлжээ. Гэхдээ тэрбээр Опрагийн таван нохой, талийгаач Карл Лагерфельдийн муур Чопетт, талийгаач Бетти Уайтын гөлөг Понтиак нарыг хөрөнгөөрөө ардаа орхисон юм.
Эх сурвалж: Billboard
