Өмнөд Солонгосын Эрүүл мэнд, халамжийн яам "LG Electronics" компанитай хамтран зохион байгуулсан "Global IT Challenge 2021" тэмцээн өчигдөр өндөрлөлөө.
Хятад, Энэтхэг зэрэг 14 орны залуус оролцсон тус тэмцээний "Creative" буюу робот машины төрөлд Монголын тэргэнцэртэй иргэдийн үндэсний холбооны гишүүн Ш.Самдан ахлагчтай баг түрүүлжээ.
Мөн тэмцээнд залуусыг идэвхтэй оролцуулсан Сонсголын бэрхшээлтэй иргэдийн соёлын төв ТББ-ын гүйцэтгэх захирал Ж.Дуламсүрэн “Шилдэг хувь нэмрийн шагнал” хүртсэн гэж Монголын тэргэнцэртэй иргэдийн үндэсний холбооноос мэдээллээ.
