Бидний санал болгох гэж буй аппликэйшн тус бүр өөрсдийн гэсэн онцлогтой тул бүгдтэй нь танилцаад, найзуудтайгаа кино үзэхэд хамгийн тохиромжтой гэж үзсэн аппликэйшнээ ашиглаарай. Мөн сонгосон аппликэйшнийхээ нэрэн дээр дарахад л албан ёсны вэбсайт руу нь үсэрнэ.
Сүүлийн үед хүмүүс Zoom программыг өргөнөөр ашиглаж байгаа тул мэдэхгүй хүн ховор биз ээ. Үүнийг хичээл хийх, хурал цуглаан зохион байгуулахаас гадна кино үзэхэд ч ашиглаж болно. Дэлгэцээ хуваалцах боломжтой учраас хүссэн киногоо хамтдаа үзээрэй.
Энэхүү аппликэйшн нь YouTube, Netflix, Amazon Prime, Hulu, Disney Plus, Apple TV, HBO Max, Vimeo зэрэг сувгийг дэмждэг. Хэдийгээр суваг нь хязгаартай боловч та өөрийн гар утас болон компьютер дээрх бичлэгээ тоглуулах боломжтой.
Хэрвээ та ямар нэг аппликэйшн, вебсайтад бүртгэл үүсгэхийг хүсдэггүй бол Watch2gether аппликэйшнийг сонгож болно. Танаас бүртгэл үүсгэхийг шаардахгүй учир нэг удаагийн нэрээр нэвтрээд найзуудтайгаа холбогдох боломжтой. Мөн вебсайтынх нь нүүр хуудас дээр “Create a Room” товч байдаг тул нэг дараад л өрөө үүсгэчихнэ.
Найзуудтайгаа хамт YouTube хуудаснаас контент үзэхээр шийдсэн бол Gaze-ийг сонгоорой. Мэдээж нэг нь өрөө үүсгээд бусад руугаа холбоосыг нь илгээх хэрэгтэй. Мөн компьютер, гар утсан дээрх бичлэгээ тоглуулах боломжтой.
Энэ жагсаалтад багтсан бусад платформоос ялгаатай нь Kast-аар найзууд хоорондоо файл хуваалцаж болдог.
Хэрэв та болон таны найзууд бүгд Netflix-ийн хэрэглэгч бол Teleparty аппликэйшнийг ашиглаж хамтдаа кино үзэж болох юм. Энэ нь мөн Disney Plus, Hulu, HBO сувгийн вебсайтыг дэмждэг учир хүссэн сувгаасаа хүссэн киногоо үзэх боломжтой.
Та интернетийн нууцлалыг нэгдүгээрт тавьдаг нэгэн бол Sync Video-г сонгоорой. Үүнийг ашиглахын тулд заавал бүртгүүлэх шаардлагатай бөгөөд мэдээж таны мэдээллийг нууцална. Бүртгүүлсний дараа зөвхөн танд зориулсан виртуал өрөөг санал болгох ба тэрхүү өрөөнд найзуудаа урьж хамт кино үзэх боломжтой. Гэхдээ өрөөгөө нээлттэй болгож, хүссэн хүмүүсийг ч оруулж болно. Мөн хүссэн үедээ шинэ өрөө үүсгэх боломжтой бөгөөд Vmeo, YouTube дээрх жагсаалтаа тоглуулж болох юм.
Найзуудтайгаа киногоо үзэх, аудио мессэж илгээх боломж бүрдүүлсэн аппликэйшн байвал ямар вэ? Энэ бүгдийг багтаасан үнэгүй аппликэйшн бол MyCircleTV бөгөөд найзуудаа урихдаа Twitter, LinkedIn, Facebook болон и-мэйл хаяг руу нь урилга илгээнэ. Мөн заавал бүртгүүлэх албагүй учраас та түр зуурын өрөө үүсгээд киногоо үзэх боломжтой. Үүнээс гадна та 5GB хүртэлх багтаамжтай бичлэг байршуулж болно.
Кино театрт байгаа мэт орчин бүрдүүлэхийг хүсвэл Plex VR-ийг сонгохыг зөвлөж байна. Мөн Plex-ийн бичлэгийн санд зочилж, хүссэн кино, дуугаа хайж болно. Нэг өрөөнд орж үзэж байгаа хүн бүр өөрсдийн дэлгэцийн хэмжээ, байрлалыг хүссэнээрээ тохируулж болно. Бусад аппликэйшн шиг заавал бичлэг тавьсан хүний хэмжээгээр үзэх албагүй гэсэн үг. Эцэст нь хэлэхэд, та нарын нээсэн өрөөнд та нарыг төлөөлж жижигхэн хөөрхөн аватар байх болно.
