Залуу хүн та, Өөрийнхөөрөө бай!

UNIQUE, UNITED, CITIZEN...

ӨӨРИЙНХӨӨРӨӨ БАЙ!… ХАМТАЧ БАС ХАРИУЦЛАГАТАЙ БАЙ!

Та бидний сайн мэдэх мэдээлэл технологи, цахим худалдааны үндэсний тэргүүлэгч shoppy.mn компани хамтран ажиллагч дэлхийн брэндүүдийн хамтаар “Unique, United, Citizen” хөдөлгөөнийг үүсгэн, залууст хандсан мессежийг түгээж байна.

Нийгмийг сайн сайханд уриалан дуудаж байдаг аливаа хөдөлгөөн, кампанит ажил бүр өөрчлөлтийг тодорхой хэмжээнд бий болгож байдаг. Дэлхий дээр олон компаниуд өөрийн брэнд нэрээр дамжуулж хэрэглэгчдээ нийгмийн сайн сайхан үйлсэд уриалан дуудаж ирсэн.

Тухайлбал “Nike” брэнд “Move to Zero” кампанит ажлаараа хог хаягдлыг бууруулах, бүхнийг дахин боловсруулж ашиглах боломжтойг залууст маш хүчтэй харуулж байгаа бол “Gillette” брэнд “We Believe: The Best Men Can Be…” кампанит ажлаараа ялгаварлан гадуурхалтыг зогсоохыг нийгмийн өргөн хүрээнд уриалж чадсан байдаг. Энэ мэтчилэн маш олон жишээг дурдаж болох бөгөөд бүгд л нийгмийн сайн сайхныг бий болгоход чадах бүхнээ зориулж байна.

Монголын компаниуд ч энэ чиглэлийн кампанит ажлуудад анхаарч ажиллаж эхэлж байгаа бөгөөд энэхүү ажлууд цаашдаа улам өргөжин тэлэх болно гэдэгт бид итгэлтэй байна.

Тэдний онцолж байгаагаар:

BE UNIQUE: Өнөө үед залуус нийгмийн сүлжээ, технологийн хөгжлийн сул талын золиос болж өөрийгөө үнэлэх үнэлэмжээ гээж сошиал дахь өнгөц амьдралын хэвшил, сурталчилгаанд хэт ихээр автсаар байгаа. Бусдаас гоё байхаас илүү мэдлэг, боловсрол, ёс зүйд тэмүүлж, өөрийн онцгой талаа өнгөлөх нь хамгаас илүү гоё болохыг залуустаа сануулахаар...

BE UNITED: Бидний ихэнх нь гэр бүл, хамт олон, тэдний хамтран босгож байдаг халуун дулаан аз жаргал, амжилтыг анзаарч, анхаарч харалгүй өөрийгөө ганцаардал, гунигт автуулсаар байдаг. Бусдыг хайрлах, босгох, дэмжих нь энэ амьдралын үнэ цэн болохыг залуустаа сануулахаар...

BE A CITIZEN: Энэ улсынхаа жинхэнэ иргэн байж, хариуцлагаа ухамсарлан эх орныхоо хөгжил дэвшлийн төлөө, өөрийнхөө сайн сайхан амьдралын төлөө хөдөлмөрлөх, бусдын эрүүл, аюулгүй, аз жаргалтай, элэг бүтэн амьдрал чиний хариуцлагаас хамааралтай болохыг залуустаа сануулахаар....

#UniqueUnitedCitizen хөдөлгөөнд залуусыг нэгдэн давлагаалахыг уриалж байна.

Залуу хүн та бол ДАХИН ДАВТАГДАШГҮЙ, ОНЦГОЙ нэгэн! Гэхдээ та ажил, амьдралд ГАНЦААРАА биш ХАМТДАА илүү урагшилдаг гэдгийг ухамсарладаг, бусдын үзэл бодлыг хүндэтгэдэг, хариуцлагатай, эрч хүчтэй, ёс зүйтэй, эх орноо, хайртай бүхнээ үгээрээ ч, үйлдлээрээ ч хайрладаг хамгийн COOL ИРГЭН бол #UniqueUnitedCitizen хөдөлгөөнд НЭГДЭЖ, эерэг хандлагыг түгээцгээе!

Өөрийгөө болон бусдыг хүндэлдэг, хамтдаа амжилтыг бүтээдэг, хариуцлагатай иргэн байцгаая!

Хэрэв чи өөрийнхөө үнэ цэнийг мэддэг, өөрийгөө хамтач бас хариуцлагатай хүн гэж дүгнэдэг бол, эсвэл тийм байхаар дөнгөж сая шийдвэрээ гаргасан бол #UniqueUnitedCitizen хаштагийг ашиглан өөрийн нийгмийн сүлжээнд үзэл бодлоо илэрхийлээрэй.