Сагсан бөмбөг тоглох дургүй залуу хүн гэж байхгүй биз. Аан бас пүүзэнд дургүй байна ч гэж юу байх вэ. Тэгвэл www.bleacherreport.com сайтаас тодруулсан сагсан бөмбөгийн бүх цаг үеийн хамгийн шилдэг 100 пүүзний шилдгийн шилдэг 10 пүүзийг танилцуулж байна. Хамгийн шилдгүүд нь болохоор ихэнх нь бидний мэдэх, домог пүүзнүүд байна.
- Nike Air Jordan 1
Бараг бүх пүүзний эхлэл үүнээс эхэлсэн байх. Энэхүү домог пүүз нь өнөөг хүртэл сагсан бөмбөгийн өнгийг тодорхойлж байна.
- Converse Chuck Taylor All-Stars
Сагсан бөмбөгийн пүүзнүүдийн анхны бэлэг тэмдэг. Энэхүү жагсаалтын дээгүүр байхаас өөр арга байхгүй биз. Нэг үгээр бол ДОМОГ.
- Nike Air Force One
Бүх хүн мэднэ дээ. Зөвхөн сагс тоглохдоо ч гэлтгүй ямар ч үед төгс харагддаг пүүз юм.
- Air Jordan 11
Айр Жордангийн хамгийн алдартай загваруудын нэг. Анх арьсан гадаргуутай байсан нь загвар дизайны орон зайд хувьсгал болсон юм.
- Air Penny 2
Lil 'Penny-г санаж байна уу? Би ч бас санаж байна. 90-ээд оны элит загваруудын нэг яалт ч үгүй мөн билээ.
- Air Jordan 13
He Got Game кинонд гарснаас хойш маш эрэлттэй болсон пүүз шүү дээ.
Spike Lee + Denzel + Air Jordan 13 = Бүх цаг үеийн шилдэг пүүзнүүдийн 6-р байр
- Nike Zoom Kobe 4
Магадгүй яагаад энэ жагсаалтад энэ пүүз орсонд гайхаж байгаа байх. Гэсэн хэдий ч хэт хөнгөн, өмсөхөд аятайхан байдал нь түүнийг шилдгүүдийн жагсаалтад оруулжээ.
- Reebok The Question
Бүх цаг үеийн хамгийн тухтай сагсан бөмбөгийн гутал. Мөн Reebok-ын анхны логотой хэрэглээнд нэвтэрсэн пүүз.
- Converse Weapon
80-аад оны домгуудын нэг. Гэхдээ сүүлийн үед тийм ч их хэрэглэгдэхээ больсон. Гэсэн хэдий ч шилдгүүдийн жагсаалтад байр эзэлсэн хэвээрээ л байна.
- Nike Air Zoom Huarachie 2k4
Бяцхан баримт дэлгэе: Энэ пүүз уг нь Кобигийн анхны гарын үсэгтэй гутал байх ёстой байсан юм. Тэгтэл Колорадод болсон явдлаас болж чадаагүй аж. Гэхдээ л Коби одоо ч энэ загварыг өмсдөг бөгөөд үнэхээр сайхан харагддаг.
