Хөдөө орон нутагт ажиллаж амьдарч байгаа залуусын хөгжлийг дэмжих зорилгоор Зориг сан дөрөв дэх жилдээ ОРОН НУТГИЙН БАЙГАЛЬ ОРЧНЫ МАНЛАЙЛАЛ ХӨТӨЛБӨР-өө зарлалаа.
Хөтөлбөрт оролцогчдод тавигдах шаардлага:
- 22-30 настай байх
- Орон нутагтаа тогтмол ажиллаж амьдардаг байх
- Өөрийгөө хөгжүүлж, шинийг суралцах хүсэл эрмэлзэлтэй байх
- Хөтөлбөрт 2 долоо хоногийн турш хамрагдах боломжтой байх
- Байгаль орчны асуудалд анхаарал хандуулдаг байх
Шаардлагыг хангаж буй оролцогчид өргөдлийн маягтыг онлайнаар https://form.jotform.me/zorigfoundation/REFP-2019 хаягаар бөглөх бөгөөд 2019 оны 3 сарын 17-ны өдрийн 00:00 цаг (Улаанбаатарын цагаар) хүртэл хүлээн авна.
Хөтөлбөр 2019 оны 4-р сарын 1-нээс 4 сарын 12-ны хооронд Улаанбаатар хотод 2 долоо хоногийн туршид явагдана. Энэ хугацаанд Улаанбаатар хотод байрлах зочид буудал, хоол болон замын зардлыг хөтөлбөрийг хэрэгжүүлэгч бүрэн хариуцна. Харин томилолтын зардал олгохгүй юм байна.
Сэтгүүлч Б.Чимэг
