ЭЕШ-ын дүн оноо, хариутай холбоотой МЭДЭЭЛЛИЙГ МЭРГЭЖИЛТНЭЭС авлаа.
2018 оны шалгуулагчид их, дээд сургуулиудад элсэх чухал шалгалт болох ЭЕШ зохион байгуулагдаад долоон хоног өнгөрсөн байна.
ЭЕШ-ийн дүн, оноо болон хариутай холбоотой чухал мэдээллийг Боловсролын Үнэлгээний Төвийн хэвлэл мэдээлэл хариуцсан ажилтан Б.Цэрэннадмидаас тодрууллаа.
YOLO: ЭЕШ-ийн дүн, оноо хэзээ гарах вэ?
- Элсэлтийн Ерөнхий шалгалтын дүн, оноо 2018 оны 07-р сарын 01-ны 09:00 цагаас эхлэн БҮТ-ийн албан ёсны веб сайтад байршуулна. Дүн, оноо гарахаар шалгуулагчид өөрсдийн бүртгэлийн дугаар, нууц үгийг ашиглан шалгуулагчийн булан руу нэвтэрч орж харах боломжтой. Батламж хуудас 07-р сарын 01-05-ны өдрүүдэд тараагдана. Улаанбаатар хотод ЭЕШ өгсөн энэ оны төгсөгчид төгссөн сургуулийн захиргаанаас, орон нутгийн шалгуулагчид аймгийн БСУГ-аас, өмнөх онд төгссөн Улаанбаатар хотын шалгуулагчид Боловсролын Үнэлгээний төвөөс авна.
YOLO: Их, дээд сургуулиудын элсэлт хэрхэн явагдах вэ?
- Хөдөө, орон нутгийн элсэлтийг Монголын Их Дээд Сургуулиудын Консорциум өөрсдийн гаргасан хуваарийн дагуу явагдана. Улаанбаатар хотод шалгалт өгсөн шалгуулагчид тухайн их, дээд сургуулиудын оюутан элсүүлэх журмын дагуу элсэнэ.
YOLO: Шалгалтын хариу буюу түлхүүр мэдээллийн ямар сувгаар шалгуулагчдадаа хүрэх вэ?
- Элсэлтийн ерөнхий шалгалтын хариу өнөөдөр буюу 2018.06.27-ны өдөр “Зууны мэдээ” сонины тус өдрийн дугаарт хэвлэгдэн нийтлэгдсэн.
YOLO: Ярилцсанд баярлалаа.
