"Macao open 2017" таеквондогийн олон улсын тэмцээн болж найман улсын 450 гаруй өсвөр үе, бага насны тамирчид хурд хүчээ сорив. Монгол улсаа төлөөлөн оролцсон найман тамирчин бүгд медаль хүртлээ.
Батбаатар багштай Дорноговь аймгийн тамирчин Г.Сүхбат, М.Тэмүүлэн, Э.Төрболд, Э.Алтантуяа, Янжинлхам багштай "Арслан" клубийн тамирчин Э.Энх-Энэрэл, Мягмарбаяр багштай "Ривэр" клубийн тамирчин Б.Ундрам, Н.Эрхэс, Б.Гарьд нар шилдэг тулаан үзүүлж төрийнхөө далбааг мандуулжээ.
