Амьд дүртэй "Moana" кино 2026 оны долдугаар сарын 10-нд кино театруудаар нээлтээ хийсэн бөгөөд анхны хүүхэлдэйн киноны үйл явдлыг бодит жүжигчид, шинэ дүрслэл, орчин үеийн эффектээр дахин амилуулжээ.
Гол дүр Моанаг Австралийн жүжигчин Catherine Laga’aia бүтээж байна.
Анхны хүүхэлдэйн киноны үйл явдалтай адилхан энэ хувилбарт Моана Тэ Фитигийн (Te Fiti) зүрхийг буцаан авчирч, Мотунуи арлынхаа хүмүүсийг аврах аялалд гарна.
Dwayne Johnson хагас бурхан Мауигийн дүрдээ эргэн тоглож байна.
Анхны хүүхэлдэйн киноны хайр татам амьтдын туслахууд болох Пуа (гахай), Хейхей (тахиа) нар ч мөн Моанагийн далайн аялалд хамт оролцоно.
ГОЛ ДҮРҮҮД БОЛОН ТЭДНИЙГ БҮТЭЭЖ БУЙ ЖҮЖИГЧИД
Моана — Catherine Laga’aia
“How Far I’ll Go” дуу дэлхий даяарх үзэгчдийн сэтгэлд хүрснээс 10 жилийн дараа шинэ жүжигчин Кэтрин Лага’аиа Моанагийн дүрийг бүтээж байна.
Австралийн Сидней хотод төрсөн 19 настай жүжигчин өмнө нь "The Lost Flowers of Alice Hart" цувралын гурван ангид тоглож байсан. Харин Моанагийн дүр нь түүний анхны том дэлгэцийн гол дүр юм.
Кэтрин найман хүүхэдтэй гэр бүлд өссөн. Түүний аав Jay Laga’aia мөн жүжигчин бөгөөд Star Wars: Episode II – Attack of the Clones болон Star Wars: Episode III – Revenge of the Sith кинонд Тайко Челчугийн дүрд тоглож байжээ.
Мауи — Dwayne Johnson
Дуэйн Жонсон бардам зан араншинтай, хэлбэрээ өөрчилж чаддаг хагас бурхан Мауигийн дүрдээ эргэн ирж байна.
Мауи Моанатай хамт Тэ Фитигийн зүрхийг буцаан авчирч, Мотунуи арлыг аврах аялалд гарна.
WWE-ийн 10 удаагийн дэлхийн аварга байсан Дуэйн Жонсон дараа нь Jumanji, Fast & Furious, Black Adam зэрэг кинонуудаар дэлхийн хэмжээний од болсон.
Сүүлийн жилүүдэд тэрээр найруулагч Бенни Сафдигийн The Smashing Machine кинонд тоглосноор олны анхаарлын төвд орсон бөгөөд мөн “Sing Sing” киноны найруулагчийн шинэ бүтээл Free Byrd-д гол дүр бүтээхээр болжээ.
Эмээ Тала — Rena Owen
Рена Оуэний бүтээх Эмээ Тала бол “Moana” киноны хамгийн чухал дүрүүдийн нэг.
Тэр Моанагийн эмээ төдийгүй өв уламжлал, түүхээ санахад нь тусалдаг ухаалаг хүн юм.
Шинэ Зеландад төрсөн Рена Оуэн өмнө нь George Lucas болон Steven Spielberg зэрэг алдартай уран бүтээлчидтэй хамтран ажиллаж байсан.
Тэр A.I. Artificial Intelligence кинонд тоглож, Star Wars: Episode II – Attack of the Clones кинонд Таун Вейгийн дууг оруулж, Star Wars: Episode III – Revenge of the Sith кинонд Ни Алеварын дүрийг бүтээжээ.
Ахлагч Туй — John Tui
John Tui (“Fast & Furious Presents: Hobbs & Shaw”, “Solo: A Star Wars Story”) Моанагийн хамгаалагч аав, Мотунуи арлын удирдагч Ахлагч Туигийн дүрийг бүтээнэ.
Тэр охиноо ирээдүйд өөр шигээ удирдагч болно гэдэгт итгэдэг ч Моанаг арлынхаа гаднах далайг судлах хүсэлтэй байгаад санаа зовдог.
Сина — Frankie Adams
Моанагийн ухаалаг, халамжтай ээж Сина охиныхоо далайд татагдах сэтгэлийг ойлгодог ч түүнийг аюулаас хамгаалахыг хүсдэг.
Шинэ Зеландын Самоа гаралтай жүжигчин Frankie Adams (“The Expanse”, “Shortland Street”) энэ дүрийг бүтээж байна.
Тэр анхны хүүхэлдэйн кинонд Синагийн дууг оруулсан Nicole Scherzinger-ийн оронд тоглож байгаа юм.
Таматоа — Жемэйн Клемент (Jemaine Clement)
Жүжигчин Жемэйн Клемент үнэт эдлэлд дуртай аварга хавч Таматоагийн дүрийг дахин бүтээжээ.
Тэрээр "Shiny" дуугаа дахин дуулсан бөгөөд уг дүрийг өөр хүн бүтээж байна гэж төсөөлөхөд ч бэрх гэж шүүмжлэгчид онцолжээ.
Таматоа нь Мауид дургүй бөгөөд өөрийн цуглуулсан бүх гялалзсан эрдэнэсийг хамгаалдаг. Түүний эрдэнэсийн дунд Мауигийн алдарт загасны дэгээ хүртэл бий.
Пуа (Pua)
Пуа бол Моанагийн үнэнч гэрийн тэжээвэр гахай. Тэрээр далайгаас бага зэрэг айдаг ч эзнээ хаана ч явсан дагаж чаддаг.
Амьд дүртэй кинонд Пуаг бүтээхийн тулд жинхэнэ гахай болон аниматроник технологийг хослуулан ашиглажээ.
Хэйхэй (Heihei)
Хэйхэй бол үргэлж будилсан байдалтай байдаг азарган тахиа. Тэрээр санамсаргүйгээр Моанагийн завинд орж, ингэснээр адал явдалт аялалд нь хамт явах болдог.
Хэйхэй эргэн тойрондоо юу болж байгааг бараг ойлгодоггүй ч Моанагийн хамгийн хөгжилтэй хамтрагчдын нэг.
Какамора (Kakamora)
Какамора нар бол далайгаар тэнүүчлэн амьдардаг, кокосын хальсаар хийсэн хуяг өмсдөг жижиг биетэй дайчид юм.
Тэд биеэр жижиг боловч олноороо нэгдэх үедээ маш аюултай бөгөөд тулалдахаас хэзээ ч буцдаггүй.
Тэ Ка (Te Kā)
Тэ Ка бол газар шороо, галын хүчийг захирдаг аварга мангас. Моана Тэ Фитигийн зүрхийг буцаан хүргэхийн тулд заавал Тэ Каг даван туулах ёстой.
Тала эмээ Моанад өгүүлснээр, Мауи Тэ Фитигийн зүрхийг хулгайлсны дараа Тэ Ка сэрсэн байна. Хоёрын тулааны үеэр зүрх нь далайд алдагдсан бөгөөд энэ нь Тэ Каг улам их уурлуулжээ.
