BTS хамтлагийн тав дахь студийн цомог болох “ARIRANG” АНУ-ын хөгжмийн хамгийн нэр хүндтэй жагсаалтуудын нэг болох Billboard 200 чартад дахин шилдэг 10-т багтжээ.
Billboard-ийн ням гарагт нийтэлсэн урьдчилсан мэдээллээр тус цомог өнгөрсөн долоо хоногтой харьцуулахад нэг байр ахиж 10-р байрт жагссан байна. Сүүлийн долоо хоногт “ARIRANG” цомог борлуулалт болон стримингийн үзүүлэлтээ нэгтгэн тооцоход 34 мянган цомогтой тэнцэх хэмжээний амжилт үзүүлжээ.
Өнгөрсөн гуравдугаар сард худалдаанд гарсан “ARIRANG” цомог нь Billboard 200 чартад дараалан гурван долоо хоногийн турш тэргүүлсэн анхны K-pop уран бүтээлчийн цомог болж түүхэнд бичигдсэн. Түүнчлэн тус цомог одоогоор чартад 13 дахь долоо хоногтоо тасралтгүй багтаж байна.
Харин энэ долоо хоногийн Billboard 200 жагсаалтыг Америкийн поп од Olivia Rodrigo өөрийн гурав дахь студийн цомог болох You Seem Pretty Sad for a Girl So in Love-оор тэргүүлжээ.
-160344-455035653.jpeg)
