“МОНГОЛ ГОВИЙН ЭРДЭМ СУДЛАЛЫН ТӨВ" НҮТББ (Gobischolars NGO) нь 2026–2027 оны хичээлийн жилд 12-р ангид суралцах болон засвар жил авсан сурагчдад зориулан "12 Scholars '27" хөтөлбөрийг зарлаж байна.
Тус хөтөлбөр нь бүхэлдээ ҮНЭ ТӨЛБӨРГҮЙ бөгөөд Монголын хамгийн авьяаслаг, зорилготой, идэвхи санаачлагатай 12 шилдэг сурагчдыг сонгон, дэлхийн тэргүүлэх их сургуулиудад өргөдлөө илгээн суралцах боломжийг бүрдүүлэхэд чиглэнэ.
Уг хөтөлбөр нь сүүлийн 2 жилийн хугацаанд нийт 24 сурагчдыг дэлхийн шилдэг их сургуулиудад тэнцэхэд нь дэмжин ажиллаж, нийтдээ 17,408,514,309 төгрөгийн санхүүгийн тэтгэлэг авахад туслаад байна.
Хөтөлбөрийн тухай
- SAT болон IELTS шалгалтанд бэлтгэх хувийн хичээлийн төлөвлөгөө, бэлтгэл (Mastery Mapped)
- 7 хоног бүр мэргэжлийн сэтгэл зүйчтэй хамтарсан өөрийгөө таних, хувь хүний хөгжлийн семинарууд (Self-Discovery Lab)
- Мөрөөдлийн их сургуульдаа хүрэх замд чиглүүлэх ганцаарчилсан зөвлөгөөний цагууд (Goal Guide / 1-on-1 Counseling)
- Эсээ бичих ур чадвар, Common App болон Narrative Craft задлан судлах ангиуд
- Судалгааны бичвэр болон академик бичгийн анги (Research Paper Class)
- Дэлхийн шилдэг их сургуулийн төгсөгчид болон олон улсын оюутнуудтай уулзах боломж «Scholars Talks»
- Багаар нийгэмд чиглэсэн бодит төсөл хэрэгжүүлэх боломж «Passion Project Class»
- Монголын шилдэг компаниудад дадлага ажил хийхэд туслах дэмжлэг
- Монголын шилдэг 12 сурагч болон GobiScholars-ийн төгсөгчдийн нийгэмлэгт нэгдэх боломж
Бид хэнийг хайж байна вэ?
Бид төгс намтар, түүхтэй сурагч хайж байгаа юм биш. Боломж эрэлхийлдэг, хүсэл эрмэлзэлээр дүүрэн, тэсвэр хатуужилтай сурагчдыг хайж байна. Академик суурь нь ямар байх нь хамаагүй, хувь хүний харах өнцөг, өсөн дэвжих чадвар чухал.
Элсэлтийн шалгуур:
- 2026–2027 оны хичээлийн жилд 12-р анги эсвэл засвар жил авч байгаа сурагч (одоогийн 11-р ангийнханыг багтаана)
- Хаана байрлаж байгаа нь хамаагүй — Монгол орны хаанаас ч өргөдөл гаргах боломжтой
- Суралцах хүсэл, зорилго болон өсөх тэмүүлэл бүхий залуус
Хөтөлбөрийн дэлгэрэнгүй
Огноо: 2026 оны 6 сарын 29 – 2027 оны 1 сарын 15 (30 долоо хоног)
Байршил: Хан-Уул дүүрэг, 134, King Tower
Өртөг: Бүхэлдээ ҮНЭ ТӨЛБӨРГҮЙ
Өргөдлийн хураамж: ₮20,000
Элсэх тоо: 12 сурагч
Өргөдөл илгээх линк: https://form.jotform.com/260602577705458
Элсэлтийн хуваарь
- Эхний өргөдөл (rolling basis): 2026 оны 4 сарын 13 – 5 сарын 22
- Ярилцлагын үе шат: 5 сарын 22 – 5 сарын 25
- Эцсийн үе шат — Сонгон шалгаруулалтын бүүткамп: 5 сарын 30–31 (Улаанбаатар орчимд хоёр хоног)
- Эцсийн шийдвэр гарах: 6 сарын дунд үе
