Meta компани Инстаграмын төлбөртэй хувилбарыг зарим улс орнуудад туршиж эхэлжээ. "Instagram Plus" гэж нэрлэгдсэн уг үйлчилгээ нь хэрэглэгчдэд зөвхөн тусгай эрхээр ашиглах боломжтой нэмэлт функцуудыг санал болгож байна. Энэхүү алхам нь Meta-гаас Instagram, Facebook болон WhatsApp-д шинэ захиалгын үйлчилгээ туршихаар төлөвлөж байгаагаа зарласнаас хойш хоёр сарын дараа хэрэгжиж эхэлж байгаа юм.
Премиум эрхийн онцлох боломжууд
Instagram-ийн премиум хэрэглэгчдэд зориулсан шинэ боломжуудын нэг нь бусдын сториг тухайн хүнд мэдэгдэхгүйгээр үзэж болох үйлчилгээ байна. Мөн захиалагчид өөрсдийн сториг хэдэн хүн давтаж үзсэнийг харах боломжтой.
Түүнчлэн захиалагчид өөрсдийн хийсэн сториг хэн үзэж болохыг илүү нарийвчлан тохируулах болно. Жишээ нь, хамт ажиллагсад, хамаатнууд, сургуулийн найзууд гэх мэт. Стори оруулах болгондоо аль жагсаалтад харуулахаа сонгоно гэсэн үг.
Бусад нэмэлт боломжууд:
- Сториг хугацаа сунгах: Нэмэлт 24 цагаар сунгах.
- Spotlight: Долоо хоногт нэг удаа өөрийн сториг дагагчдынхаа стори хэсгийн хамгийн эхэнд байршуулах
- Superlike: Бусдын сторид хөдөлгөөнтэй Superlike дарах.
- Хурдан хайлт: Story үзсэн хүмүүсийн жагсаалт дундаас жагсаалтыг бүхэлд нь гүйлгэж харах шаардлагагүйгээр тодорхой хүнийг хайж олох функц
Туршилт явагдаж буй улс орнууд ба үнэ
Meta компани яг аль улсуудад туршиж байгаагаа албан ёсоор зарлаагүй ч сошиал медиа дахь мэдээллээс харахад Мексик, Япон болон Филиппин улсуудад туршилт хийгдэж байна. Үнэ тарифын хувьд улс бүрд харилцан адилгүй байгаа бөгөөд хэрэглэгчдийн хуваалцсан мэдээллээр:
- Мексик: Сарын MX$39 (~$2.20 ам.доллар)
- Япон: Сарын ¥319 (~$2 ам.доллар)
- Филиппин: Сарын PHP 65 (~$1.07 ам.доллар) орчим байна.
Instagram Plus нь контент бүтээгчид болон бизнесүүдэд зориулсан "Meta Verified"-гээс тусдаа бөгөөд энгийн хэрэглэгчдэд зориулагдсан гэдгээрээ онцлог юм.
Cошиал медиа зах зээлд төлбөртэй үйлчилгээ амжилт олох боломжтойг Snapchat+ ойролцоогоор 25 сая гаруй захиалагчтай болж, мөн X платформын төлбөртэй үйлчилгээ хэдийнээ амжилттай байгааг батлан харуулсан. Тиймээс Meta компани энэхүү “Instagram Plus” үйлчилгээгээ дэлхий даяар албан ёсоор нэвтрүүлэхээсээ өмнө хэрэглэгчдийн хандлагыг тандан, туршилтаа үргэлжлүүлсээр байна эдгээ мэдэгдээд байна.
Эх сурвалж: Techcrunch
