Элсэлтийн шалгалт нь сурагч бүрийн ирээдүйн боловсрол, мэргэжлийн сонголтод чухал нөлөө үзүүлдэг. Иймээс шалгалтад бэлтгэхдээ зөв арга барил ашиглах нь маш чухал. Сүүлийн жилүүдэд шалгалтад бэлтгэхэд “блюпринт” буюу шалгалтын агуулгын бүтэц, төлөвлөгөөг ашиглах арга түгээмэл болсон. Блюпринт нь шалгалтад ямар сэдэв, ямар түвшний асуулт хэдэн хувьтай орж ирэхийг харуулдаг тул сурагчдад бэлтгэлээ илүү оновчтой зохион байгуулах боломж олгодог.
1.Блюпринтийн бүтэцтэй сайн танилцах хэрэгтэй. Блюпринт нь тухайн шалгалтын сэдвүүд, тэдгээрийн эзлэх хувь, асуултын төрөл зэргийг харуулдаг. Тиймээс эхлээд шалгалтад ямар сэдэв чухал байр суурь эзэлж байгааг ойлгох нь бэлтгэлийн эхний алхам юм.
2.Хичээлийн сэдвүүдийг ач холбогдлоор нь эрэмбэлэх хэрэгтэй. Блюпринтэд өндөр хувь эзэлдэг сэдвүүдэд илүү их цаг зарцуулах нь үр дүнтэй. Ингэснээр шалгалтад хамгийн их магадлалтай асуултуудад илүү сайн бэлтгэх боломжтой болно.
3.Суралцах төлөвлөгөө гаргах нь чухал. Блюпринтэд тулгуурлан долоо хоног, сар бүрийн давтлагын хуваарийг гаргавал бэлтгэл илүү системтэй болно. Төлөвлөгөөтэй суралцах нь цагийг зөв хуваарилахад тусалдаг.
4.Онолын мэдлэгээ бататгах хэрэгтэй. Блюпринтэд орсон сэдвүүдийн үндсэн ойлголт, тодорхойлолт, томьёо зэргийг сайн ойлгож сурах нь шалгалтын суурь бэлтгэл болдог. Онолыг сайн ойлгосон тохиолдолд бодлого, даалгаврыг шийдэхэд илүү хялбар болдог.
5.Бодлого болон жишээ даалгавар ихээр ажиллах нь үр дүнтэй. Шалгалт нь зөвхөн онол бус, бодит хэрэглээтэй асуулт ихээр агуулдаг. Тиймээс өмнөх жилийн шалгалтын материал, жишиг тестүүдийг ашиглан давтах хэрэгтэй.
6.Өөрийгөө сорих тест тогтмол хийх нь чухал. Блюпринтэд нийцсэн тест ажиллах нь сурагчийн мэдлэгийн түвшинг тодорхойлж, аль сэдэв дээр дутуу байгааг илрүүлэхэд тусалдаг.
7.Алдаагаа дүгнэх дадалтай болох хэрэгтэй. Тест ажиллах үед гаргасан алдаагаа шинжилж, яагаад буруу хариулсныг ойлгох нь дахин алдахгүй байх боломжийг олгодог.
8.Цагийн менежментэд анхаарах нь чухал. Шалгалтын үед асуулт бүрт зарцуулах хугацаагаа зөв хуваарилах шаардлагатай. Үүний тулд хугацаатай тест хийж дадлагажих нь тустай.
9.Багш болон найз нөхдийн тусламжийг ашиглах хэрэгтэй. Ойлгоход хэцүү сэдвүүдийг багшаас асуух, хамтдаа давтах нь мэдлэгийг илүү бататгадаг.
10.Өөртөө итгэлтэй байх нь амжилтын нэг түлхүүр юм. Системтэй бэлтгэл хийж, блюпринтийн дагуу давтсан сурагч шалгалтад илүү тайван, итгэлтэй ордог.
