Бүгд Найрамдах Итали Улсын Гадаад хэрэг, олон улсын хамтын ажиллагааны яам, Италийн худалдааны агентлаг болон “Uni-Italia” байгууллага хамтран 2026-2027 оны “Invest Your Talent in Italy” (IYT) тэтгэлэгт хөтөлбөрийг зарлалаа.
Тэтгэлгийн чиглэл, хугацаа
Тэтгэлгийг дараах үндсэн чиглэлүүдээр англи хэлээр заагддаг магистрын болон магистрын дараах (Postgraduate Master) хөтөлбөрүүдэд олгоно:
- Инженерчлэл ба дэвшилтэт технологи;
- Архитектур ба дизайн;
- Эдийн засаг ба менежмент.
Тэтгэлэгт багтах зардлууд
- Жил бүр 10,800 еврогийн амьжиргааны тэтгэмж (эрүүл мэндийн даатгал болон байрны зардал ороогүй);
- Итали хэлний сургалт (L2/LS);
- Италийн компани эсвэл худалдааны холбоодод 3 сарын хугацаатай ажиллах дадлага;
- Жендэрийн тэгш байдлын талаарх тусгай сургалт.
Тавигдах шаардлага
- 2000 оны 1 дүгээр сарын 1-ний өдөр болон түүнээс хойш төрсөн байх;
- Италиас бусад улсад бакалаврын зэрэг хамгаалсан байх (Одоо суралцаж буй төгсөх курсийн оюутан байж болохгүй);
- Англи хэлний B2 болон түүнээс дээш түвшний мэдлэгийг баталсан олон улсын сертификаттай байх.
Бүртгэл ба хугацаа
- Бүртгэл 2026 оны 3 дугаар сарын турш явагдана.
- Хүсэлтийг зөвхөн цахимаар, IYT хөтөлбөрийн албан ёсны платформоор дамжуулан хүлээн авна.
Тэтгэлэг сунгах нөхцөл
- Тэтгэлгийг хоёр дахь жилдээ сунгахын тулд суралцагч дараах шаардлагыг хангасан байна:
- 30-аас доошгүй ECTS багц цаг цуглуулсан байх;
- Итали хэлний сургалтад хамрагдаж, амжилттай дүгнэгдсэн байх;
- Дадлагын ажлын төлөвлөгөөгөө ирүүлсэн байх.
Дэлгэрэнгүй мэдээллийг ЭНД дарж авна уу.
