Унгар Улсын Хөдөө аж ахуйн яам болон НҮБ-ын Хүнс, хөдөө аж ахуйн байгууллагаас хамтран Монгол Улсын иргэдэд зориулсан магистрын тэтгэлэгт хөтөлбөрөө зарлалаа.
1. Санал болгож буй англи хэлээрх хөтөлбөрүүд
- Хөдөө аж ахуйн биотехнологи (Hungarian University of Agriculture and Life Sciences, Szent István Campus).
- Малын тэжээл, тэжээлийн аюулгүй байдлын инженерчлэл (Hungarian University of Agriculture and Life Sciences, Kaposvár Campus).
- Ургамал хамгаалал (University of Debrecen, Debrecen).
2. Тэтгэлэгт юу багтах вэ?
Унгар Улсын Засгийн газраас дараах зардлыг бүрэн санхүүжүүлнэ. Үүнд:
- Бүртгэлийн болон сургалтын төлбөр, үндсэн сурах бичиг.
- Дотуур байрны байршил.
- Амьжиргааны тэтгэмж.
- Эрүүл мэндийн даатгал.
(Тэтгэлэг нь зөвхөн суралцагчид хамааралтай бөгөөд гэр бүлийн гишүүдийн зардлыг хариуцахгүй.)
3. Шалгуур
- Монгол Улсын иргэн, оршин суугч байх;
- Сурлагын өндөр амжилттай байх;
- Англи хэлний дундаас дээш түвшний мэдлэгтэй байх;
- Эрүүл мэндийн байдал сайн, суралцах эрмэлзэлтэй байх;
- 30 хүртэлх настай бол давуу тал болно.
4. Шалгаруулалт
Тэтгэлгийн материалыг 2026.02.28-ны өдрийг хүртэл хүлээн авна.
- 1-р шат: Хүсэлт гаргагчдыг НҮБ-ын ХХААБ-аас урьдчилсан байдлаар шалгаж, Унгарын харгалзах их, дээд сургуулиудад хүргүүлнэ. (Зөвхөн бүрэн гүйцэд бүрдүүлсэн материалыг хүлээн авна).
- 2-р шат: Их сургуулиуд англи хэлээр бичгэн болон аман шалгалт авч, эцсийн шалгаруулалтыг хийнэ.
5. Бүртгэл
Бүртгэл болон тэтгэлгийн талаарх дэлгэрэнгүй мэдээллийг ЭНД дарж харна уу.
