Номоос сэдэвлэн бүтээгдсэн кино амжилттай болно гэдэг амаргүй. Учир нь уншигчдын төсөөлөл, хүлээлт маш өндөр байдаг.
Гэсэн ч зарим бүтээл уран зохиолынхоо сүнсийг алдалгүй, дүр, үйл явдал, сэдвийг нь дэлгэцийн урлагаар илүү хүчтэй амилуулж чадсан байдаг.
Эдгээр кинонууд нь зөвхөн номын фенүүдийг төдийгүй дэлхий даяарх сая сая үзэгчдийг байлдан дагуулж, ашиг орлого, шагнал, соёлын нөлөөгөөрөө түүхэнд үлдсэн билээ.
1. Harry Potter (2001–2011)
Зохиолч: Ж.К. Роулинг
Энэхүү цуврал нь жирийн нэг хүү өөрийгөө шидтэн гэдгийг мэдэж, ид шидийн ертөнцөд хөл тавьж буйгаар эхэлдэг. Нөхөрлөл, зориг, хайр, сайн муугийн тэмцлийг харуулсан уг кино нь хүүхэд, насанд хүрэгчдийн аль алинд нь хүрч чадсан. Дэлхий даяар хэдэн тэрбум долларын ашиг олж, орчин үеийн кино урлагийн хамгийн амжилттай франчайзуудын нэг болсон.
2. The Lord of the Rings (2001–2003)
Зохиолч: Ж.Р.Р. Толкиен
Сайн ба муугийн хоорондох агуу тэмцэл, найрамдал, өөрийгөө золиослох сэдвийг гайхамшигтайгаар харуулсан уран зөгнөлт тууль. Кинонууд нийтдээ 17 Оскар хүртсэн бөгөөд уран зөгнөлт киноны стандартыг шинэ түвшинд гаргасан гэж үнэлэгддэг.
3. The Hunger Games (2012–2015)
Зохиолч: Сюзанна Коллинз
Ирээдүйн дарангуйлалтай нийгэмд залуусыг амьд үлдэхийн төлөө тулалдуулах тэмцээнийг дүрсэлсэн. Эмэгтэй гол дүртэй, нийгмийн шударга бус байдал, эрх мэдлийн сэдвийг хүчтэй хөндсөнөөрөө залуусын дунд асар их нэр хүндтэй болсон.
4. The Chronicles of Narnia (2005–2010)
Зохиолч: К.С. Льюис
Хүүхдүүд нууцлаг хаалгаар дамжин шидэт ертөнцөд очиж, хаант улсыг аварч буй адал явдалт түүх. Сайн муу, итгэл, золиослолын утга санааг үлгэрийн хэлбэрээр өгүүлсэн нь үзэгчдэд гүн сэтгэгдэл төрүүлсэн.
5. The Da Vinci Code (2006)
Зохиолч: Дэн Браун
Урлаг, шашин, нууц код, түүхэн оньсогуудыг холбосон триллер кино. Маргаан их дагуулсан ч үзэгчдийн сонирхлыг асар их татаж, дэлхий даяар өндөр ашиг олсон.
6. Twilight (2008–2012)
-105525-475893810.jpeg)
Зохиолч: Стефани Майер
Хүн ба цус сорогчийн хоорондох хайр дурлалын түүх. Өсвөр насныхны сэтгэл хөдлөлийг оновчтой илэрхийлдэг ба кино бүр нь хит болсон.
7. Forrest Gump (1994)
Зохиолч: Уинстон Грум
Нэгэн эрийн амьдралаар дамжуулан Америкийн түүхийг харуулсан кино. Форрест Гампын гол дүрийг номноос илүү кинон дээр илүү сонирхолтой байдлаар амилуулжээ. Амьдралын үнэ цэнэ, хайр, тэсвэр хатуужлын тухай өгүүлсэн уг бүтээл нь 6 Оскар хүртсэн.
8. The Shawshank Redemption (1994)
Зохиолч: Стивен Кинг
Шорон доторх нөхөрлөл, найдварын тухай гүн утгатай түүх. Анх гарахдаа тийм ч их ашиг олоогүй ч цаг хугацааны явцад бүх цаг үеийн шилдэг киноны нэг хэмээн үнэлэгдэх болсон.
9. Jurassic Park (1993)
Зохиолч: Майкл Крайтон
Үлэг гүрвэлийг дахин амилуулсан парк сүйрэлд орж буйг харуулсан шинжлэх ухааны уран зөгнөлт кино. Тухайн үедээ компьютер графикийн хувьсгал хийж, адал явдалт киноны шинэ эрин үеийг эхлүүлсэн.
10. Gone Girl (2014)
Зохиолч: Жиллиан Флинн
Гэрлэлт, худал дүр төрх, сэтгэлзүйн манипуляцийн талаар өгүүлсэн триллер. Орчин үеийн харилцааны харанхуй талыг бодитоор харуулснаараа өндөр үнэлгээ авсан.
