"Stranger Things" цувралын тавдугаар улирлын ангиуд Netflix-ийн дэлгэцнээ гараад эхэлсэн билээ.
Netflix энэ удаад цувралыг гурван хэсгээр гаргахаар шийдсэн бөгөөд эхний дөрвөн анги 2025 оны арваннэгдүгээр сарын 26-нд олон нийтэд цацагдсан. Дараагийн ангиуд буюу хоёрдугаар хэсэг 2025 оны арванхоёрдугаар сарын 25-нд үргэлжлэн гарч, хамгийн сүүлчийн наймдугаар анги 2025 оны арванхоёрдугаар сарын 31-нд үзэгчдэд хүрнэ.
Энэ улирал нь "Stranger Things"-ийн төгсгөлийн ангиуд болж буйгаараа онцлог билээ. Өрнөл нь Upside Down-ын эсрэг эцсийн шийдвэрлэг тулаан руу чиглэж, өмнөх улирлуудаас илүү өргөн цар хүрээтэй, хүчтэй мэдрэмжтэй, сэтгэл зүйн ачаалалтай финал болохыг уран бүтээлчид амласан.
Нээлтийн ангиуд цацагдмагц Netflix богино хугацаанд ачааллаа дийлэхгүй сааталд орсон нь цувралын хүлээлт хэр өндөр байгааг дахин харуулсан гэж The Guardian мэдээлсэн байна. Цувралын бүх гол дүр эргэн тоглож байгаа бөгөөд түүхийн зангилаанууд энэ улиралд бүрэн тайлагдах юм.
Хамгийн анхны цуврал нь 2016 оны 7 дугаар сарын 15-нд дэлгэцнээ гарч байв.
Эхний болон сүүлийн (2016 ба 2025) цуврал дахь жүжигчдийн өөрчлөлт:
