КОМИК: Аминад тохиолдсон явдал...
Амина охин илэн далангуй, нийтэч тул хүн бүртэй эелдэг найрсаг харьцахыг эрмэлздэг. Тэр байтугай танихгүй нэгэнтэй ч нээлттэй ярилцаж чаддаг нь түүний төрөлхийн нүүрэмгий зантай холбоотой. Нэг өдөр ганцаардмал нэгэн охин түүнтэй чатны найзууд болохыг хүсэхэд хэзээд бүгдэд уриалгахан байдаг шигээ хандан эелдгээр зөвшөөрчээ.
Өдөр хоног өнгөрсөөр охидын ярианы сэдэв илүү дотно болж, өсвөр насны охидын олон сэдвээр санал бодлоо хуваалцаж сүүлдээ бүр зургаа солилцох болов. Гэхдээ "Ганцаармдал охин" гэмт хэрэгтэн байсныг хөөрхий Амина яаж мэдэх билээ.
Хүн худалдаалах гэмт хэрэг ихэвчлэн хохирогчийн итгэлийг олох замаар үйлдэгддэг буюу чатаар, цахимаар танилцаж харилцсаар эцэс сүүлд нь хувийн чанартай зураг, бичлэгийг нь авч, түүгээрээ сүрдүүлж хүссэнээ хийлгэх тохиолдол олон.
Хүүхэд хамгааллын түншлэлийн кампакт: Хүн худалдаалахаас хүүхдийг хамгаалах нь төслийн хүрээнд "Өөдрөг амьдар, өөрийгөө ургуул" уриатай хүн худалдаалах, бэлгийн мөлжлөгийн эсрэг "Мөрөөдлийнхөө зүг" мэдээллийн аян Монгол орон даяар явагдаж байна.
Энэхүү аяныг АНУ-ын Засгийн газрын буцалтгүй тусламжаар Монгол Улсын Засгийн газар, Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн ажлын алба, Дэлхийн зөн Монгол Улсын байгууллага хамтран олон нийтэд хүргэж байна.
"Мөрөөдлийнхөө зүг" кампанит ажил нь олон нийтэд хүн худалдаалах гэмт хэрэг тэр дундаа бэлгийн мөлжлөгт өртөхөөс урьдчилан сэргийлэх мэдлэг, ойлголтыг нэмэгдүүлэх зорилготой.
