#CS2 The Huns Esports баг ESL Challenger League тэмцээний шилдэг дөрөвт шалгарлаа. Chinggis Warriors баг өнөө орой тоглоно.
CS2-ын хамгийн нэр хүндтэй лигийн тэмцээн болох "ESL Pro League"-ын 22 дахь улиралд оролцох эрх олгох Азийн бүсийн 49 дэх удаагийн "ESL Challenger League" тэмцээний шигшээ шат үргэлжилж байна.
Шигшээ шатны доод хүснэгтийн шөвгийн наймд Монголын "The Huns Esports" баг Хятадын шилдэг "Rare Atom" таарч 2-1 (Inferno 7-13, Dust II 13-10, Ancient 13-7) харьцаагаар хожлоо.
Ийнхүү тэд доод хүснэгтийн шөвгийн дөрөвт шалгарсан бол Хятадын баг тэмцээнээс хасагдлаа.
$40,000 (140.9 сая төгрөг) шагналын сантай, нийт 16 баг оролцсон тэмцээнд Монголын таван баг тоглож эхэлснээс гурав нь шигшээ шатанд шалгараад байв.
"Nomads" баг Оросын "-72C" багт хожигдож тэмцээнээ дуусгасан бол "Chinggis Warriors" баг доод хүснэгтийн шөвгийн наймд тус Орос багтай өнөөдөр 20:00 цагаас тоглоно. Тэдний хожсон нь Huns-тай тоглох бол хожигдсон нь тэмцээнээ дуусгана.
Тэмцээний дээд хүснэгтийн финалд Хятадын хоёр баг учраа таарсан. Тоглолт тавдугаар сарын 3-д болно.
Huns багийн хувьд Монголд болж буй "MESA Nomadic Masters Spring 2025" тэмцээнээс өчигдөр хасагдсан билээ. Харин Chinggis Warriors өнөөдөр 10:00 цагаас "Eruption" багтай тоглож шигшээ шатанд шалгарах эсэхээ шийднэ.
