Монгол сагсан бөмбөгийн холбооны Үндэсний Дээд Лигийн финалын тоглолт өчигдөр Хасын Хүлэгүүд болон Бишрэлт Металл багуудын хооронд эхлэв.
Тоглолтын нэгдүгээр үеийн төгсгөлд Бишрэлт Металл багийн легионер /Гадаад улсаас ирж тоглож буй тоглогч/ Дэвон Скотт Хасын Хүлэгүүд багийн төвийн тоглогч Б.Азбаярын дагзанд цохин унагаж спортын бус алдаа гаргасан.
Энэ талаар Бишрэлт Металл багаас мэдэгдэл гаргаж уучлал хүссэн бөгөөд багийн удирдах зөвлөлөөс Дэвон Скоттыг дараагийн хоёр тоглолтод тоглуулахгүй байх шийдвэр гаргаснаа мэдэгдсэн байна.
Тоглолтод Бишрэлт Металл баг 85:82 харьцаагаар хожсон бөгөөд цувралын харьцаа 1-0 болов. Цувралын хоёр дахь тоглолт лхагва гарагт 19:10 цагаас болно.
