Хэрхэн зунаас өмнө Glow-up хийх вэ?

Бид ажил, хичээл гэж завгүй явсаар байтал аль хэдийн зун хаяанд ирчихжээ. Зун гэдэг чинь аялал зугаалганд явж, хайртай хүмүүстэйгээ цагийг өнгөрөөж, мартагдашгүй дурсамж бүтээх цаг шүү дээ. Харин тэр үеэрээ бүхий л мэдрэмжийг бүрэн дүүрэн мэдэрч, selfie дээр ч, амьдрал дээр ч гялалзсан, өөртөө итгэлтэй харагдахыг хүсэж байгаа биз дээ? Тэгвэл ирэх хоёр сарын туршид таныг glow-up хийхэд туслах зөвлөгөөнүүдийг хүргэж байна. 

ЦАРАЙ

• Арьс Арчилгаагаа 

Эрүүл арьс бол гэрэлтэхийн үндэс юм. Сайн арьс арчилгаа нь арьсыг тань эрүүл, толигор харагдахад тусална. Өдөр болгон нүүрээ цэвэрлэж, чийгшүүлж, мөн нарны тосоо марталгүй түрхэх нь чухал. Үүнээс гадна долоо хоногт нэг удаа гуужуулах хэрэгтэй. 

• Ус сайн уух

Гэрэлтсэн, толигор арьсны нууц нь ус юм. Өдөрт хамгийн багадаа 8 аяга ус ууж, арьсаа чийгшүүлж, илүүдэл бодисыг гадагшлуулснаар арьс гялалзсан бөгөөд илүү жигд харагддаг. Шингэн дутагдсан тохиолдолд арьс хуурайшиж, унждаг байна.

• Хөмсгөө засах

Сайн зассан хөмсөг нь таны нүдийг тодотгож, нүүрний хэлбэрийг сайжруулж, царайг тэс өөр болгож харагдуулдаг. Хөмсгөө зохистой хэмжээгээр засах нь үргэлж гоё харагдах хялбар арга юм. Тиймээс өөрийн царайны хэлбэрт зохих хөмсөгний хэлбэрийг олоорой. 

• Шүдээ цайруулах 

Гялалзсан, цагаан инээмсэглэл нь таны өөртөө итгэх итгэлийг нэмэгдүүлдэг. Шүдээ цайруулснаар нүүрний өнгө сэргэж, илүү цэвэрхэн, цэмцгэр төрх бүрддэг. Үүний тулд кофе, цай, тамхи зэрэг өнгө оруулагч зүйлсээс татгалзах эсвэл шүд цайруулах оо хэрэглэж болно.

ҮС

• Үс засалт 

Өөртөө зохисон үсний засалттай байх нь таныг илүү дур булаам харагдуулахаас гадна нүүрний хэлбэрийг илүү тэнцвэртэй, зөв харуулдаг. Үс засалт нь таны биеийн хэлбэр, амьдралын хэв маягтай төгс зохицвол өөртөө итгэх итгэлийг нэмэгдүүлж, өдрийн турш сэтгэл хангалуун байхад тусална. Тиймээс үс засалтаа сонгохдоо өөрийн онцлогт тохирсонг олох нь зүйтэй.

• Үс арчилгаа

Эрүүл гялалзсан үстэй байх нь мөн л адил чухал гэдгийг дурдах нь илүүц биз ээ. Тогтмол  ангижруулагч ашиглаж, долоо хоног болгон үсний тос ашиглаж хуйхаа чийгшүүлж байгаарай. Мөн ойр ойрхон үснийхээ салааг түүж, хэт халуун ус болон индүү ашиглахгүй байх, торгон материалтай дэр ашиглахыг зөвлөж байна. Учир нь эдгээр зүйлс нь үсийг хуурайшуулж гэмтэхэд хүргэдэг.

БИЕ

• Тогтмол Хөдөлгөөн
• Байнга дасгал хөдөлгөөн хийх нь таны бие махбод сэтгэлзүйн эрүүл мэндэд сайнаар нөлөөлнө. Хөнгөн алхалт, йог, эсвэл дасгал нь биеийг илүү гоё харагдуулахаас гадна өдрийн турш эрч хүчтэй, өөдрөг байхад тусална. 

• Цэх байх 
• Мөр, нуруугаа цэх байлгаж эрүүгээ өргөх нь таныг эмх цэгцтэй, өөртөө итгэлтэй харагдуулдаг. Мөн энэ нь тархин дахь цусан хангамж болон ой тогтоолтыг сайжруулах, амьсгалаа илүү чөлөөтэй авахад тустай.

ЭРҮҮЛ МЭНД

• Эрүүл хоолох

Та ямар хоол хүнс хэрэглэж байгаагаас таны арьс, эрч хүч, эрүүл мэндийн байдал шууд хамаарна. Үр тариа, жимс, хүнсний ногоо, бусад эрүүл, амттай хоол хүнсийг хэрэглэснээр таны арьс гэрэлтэн, эрч хүч нэмэгддэг.

• Чанартай нойр авах

Үргэлж чанартай нойр авах нь таны биеийг сэргээж, шинэчлэж байдаг. 7-9 цагийн турш унтах нь арьсыг тань залуухан харагдуулж, стрессгүй байхад тусална.

• Муу зуршлаа хаях

Тамхи татах, дэлгэцийн хэт их хэрэглээ зэрэг муу зуршлууд бидний эрүүл мэнд болон гоо сайханд мэдэгдэхүйцээр нөлөөлж байдаг. Тиймээс энэхүү зуршлаа хаях нь таныг илүү гэрэлтсэн, гоё харагдахад туслах болно.

• Витамин, тэжээлийн дутагдал

Ямар нэг эрдсийн дутагдалтай байх нь таныг үргэлж ядарсан харагдуулж, нүдний дор хар толбо үүсгэдэг. Тиймээс эрдсээ шалгуулж, шаардлагатай үед нэмэлт бүтээгдэхүүн хэрэглээрэй.

СЭТГЭЛ ЗҮЙН ЭРҮҮЛ МЭНДДЭЭ АНХААРАХ

Стресс нь таны бие махбод болон арьсанд олон төрлийн сөрөг нөлөө үзүүлдэг. Тиймээс стрессээ багасгаж, аль болох сэтгэлээ тайван байлгаарай. Бясалгал хийх, тэмдэглэл хөтлөх эсвэл найзуудтайгаа цагийг өнгөрөөх нь тустай.

ХУВЦАСЛАЛТ

• Өөрийн Стилээ Олж Авах

Өөрт тохирсон стилээ олох нь өөртөө итгэлтэй байхад нэн чухал. Минималист, soft girl, old money, классик зэрэг олон стилээс судалж, туршиж, таны галбирыг хамгийн гоё харагдуулах нэгийг нь сонгож, үүнийхээ дагуу хувцаслахыг зөвлөж байна.

• Accessory ашиглах

Зүүлт, бөгж, малгай, цүнх, шил зэрэг гоёл чимэглэл нь таны хувцаслалтыг өөр түвшинд аваачих болно.

• ”Төгс таарах” дүрмийг ашиглах

Томдсон, унжсан эсвэл хэт барьсан хувцас биднийг ямар харагдуулдаг билээ дээ. Хувцасны хэмжээг зөв сонгох нь биед тухтай байхаас гадна илүү үзэсгэлэнтэй харагдуулдаг. Тиймээс шинэ хувцас авах тоолондоо зөвхөн төгс мэт таарж байгаа хувцсыг л авах дүрмийг баримтлаарай.

ӨӨРТӨӨ ИТГЭХ ИТГЭЛЭЭ НЭМЭГДҮҮЛЭХ

• Өөдрөг үзэлтэй байх

Өөртөө итгэх итгэл нь таны өөрийгөө үзэх үзэлтэй шууд хамааралтай байдаг. Өөрийгөө өөдрөг хүмүүсээр хүрээлүүлэх, өөртөө урмын үг хэлэх зэрэг аргуудыг ашиглаад үзээрэй.

• Өөртөө цаг гаргах

Өөрийгөө болзоонд авч явах, лаатай ваннд хэвтэх, дуртай амттангаа идэнгээ кино үзэх эсвэл ном унших зэрэг нь таны өөртөө итгэх итгэлийг гарцаагүй нэмэгдүүлэх болно. 

Эдгээр зөвлөгөөнүүдийг дагаснаар та дотроосоо ч, гаднаасаа ч гэрэлтэх болно. Эцэст нь хэлэхэд өөрийгөө хайрлаж, өөрийнхөө хамгийн сайн хувилбарыг бүтээх нь жинхэнэ glow-up юм гэдгийг битгий мартаарай.