Монгол Улсын Засгийн газар, АНУ-ын Төрийн департаментын санхүүжилттэй хэрэгждэг Фулбрайтын оюутны 2026-2027 оны тэтгэлэгт хөтөлбөр зарлагдлаа.
Цахим өргөдлийн материалыг Монгол Улс дахь Америкийн Нэгдсэн Улсын Элчин сайдын яам 2025 оны 04 дүгээр сарын 28-ны 08:00 цаг /Улаанбаатарын цагаар/ хүртэл хүлээн авна.
Фулбрайтын Оюутны хөтөлбөр гэж юу вэ?
Фулбрайтын (гадаад) Оюутны хөтөлбөр нь залуу мэргэжилтнүүдэд АНУ-д магистрын зэрэг эзэмших боломжийг олгодог бүрэн тэтгэлэгт хөтөлбөр юм. Энэхүү хөтөлбөр нь дэлхийн 160 гаруй оронд хэрэгжиж жил бүр 4000 орчим гадаад оюутнуудад тэтгэлэг олгож байна.
АНУ-ын Засгийн газрын санхүүжилттэй Фулбрайтын Оюутны хөтөлбөр нь Монгол Улсад 1995 оноос, Монгол Улсын Засгийн газрын санхүүжилттэй хөтөлбөр 2010 оноос хэрэгжиж эхэлсэн ба 2022 оноос хоёр засгийн газрын санхүүжилттэйгээр нэгдсэн сонгон шалгаруулалт явагдаж эхэлсэн ба жил 25 хүртэлх тооны оюутан хамруулж байна.
Хөтөлбөрт хамрагдагчдад тавигдах үндсэн шалгууруудад:
- Монгол Улсын иргэн бөгөөд Монгол Улсад оршин сууж байх
- 1.5 болон түүнээс дээш жилийн бүтэн цагаар ажилласан ажлын туршлагатай байх
- Дээд боловсролтой байх (бакалаврын эсвэл дүйх зэрэг)
- Англи хэлний чадвар сайтай байж, [суралцах мэргэжлийн чиглэл]ээсээ хамааран (PDF 256 KB) TOEFL IBT, IELTS эсвэл Duolingo-ын хүчин төгөлдөр, зохих хэмжээний оноотой байх
- АНУ-д өмнө нь ямар нэг байдлаар зорчиж байгаагүй буюу цөөн удаа зорчсон оролцогчид давуу талтай. АНУ-ын ногоон карт эзэмшигч монголчууд өргөдөл гаргах эрхгүй болохыг анхаарна уу.
Тэтгэлэгт дараах зүйлсийг хамруулан ойлгоно:
- Тээврийн бүх зардал: Олон улсын болон дотоодын аялал (нэр дэвшигч нь Улаанбаатар хотоос гадуур оршин суудаг тохиолдолд дотоодод хийгдэх визтэй холбоотой аяллын зардал зэрэг орно);
- Амьдрах буюу хоол унд, орон байрны зардал: Оролцогчид сар болгон байр сууц, хоолны болон бусад холбогдох зардлын тэтгэмж авна;
- Сургалтын төлбөр: Фулбрайтын тэтгэлэг нь бүх зардлыг даана;
- Хөтөлбөрийн удиртгал уулзалт: Уулзалтад оролцох буудлын, хоолны, эрүүл мэндийн, сургалтын зэрэг бүх зардлыг Фулбрайт даана;
- Эрүүл мэндийн даатгал: Оролцогчид өөрсдийн хөтөлбөрийн хугацаанд гэнэтийн ослын болон эрүүл мэндийн даатгалаар хангагдана;
- Визний зардал: АНУ-ын Засгийн газрын тэтгэлэгт хөтөлбөрт оролцогчдыг визний төлбөрөөс чөлөөлнө;
- Аяллын тэтгэмж: Оролцогчид ачаа болон аялалтай холбогдолтой бага хэмжээний бусад тэтгэмжийг олгоно.
- Суурьших зардал: Оролцогчид хөтөлбөрийн эхний сард нэг удаагийн ном, компьютер зэрэг худалдан авах тэтгэмж авна.
Фулбрайтын тэтгэлэгт нь гэр бүлийн гишүүдтэйгээ аялахыг зөвшөөрдөг ба визний дэмжлэг үзүүлдэг ч ямар нэг санхүүгийн дэмжлэг үзүүлдэггүй болохыг анхаарна уу. Дээр дурдсан бүх зардал нь зөвхөн тэтгэлэгт хамрагдагчид хамааралтай болно.
Тэтгэлгийн талаар дэлгэрэнгүй мэдээллийг ЭНД дарж авна уу.
