#CS2 Хэсгийн хэддүгээр байраар playoffs-т шалгарахаа шийдэх тоглолтод Natus Vincere багт 0-2 харьцаагаар хожигдлоо.
ESL-ээс жил бүр зохиодог CS2 (Counter Strike 2)-ын томоохон тэмцээнүүдийн нэг "Intel Extreme Masters Katowice 2025" Польшийн Катовиц хотод үргэлжилж байна.
$1,000,000 шагналын сантай тэмцээнд Монголын "The MongolZ" баг дэлхийн чансаанд эзэлж буй байраар хэсгийн шатанд шууд уригдсан билээ.
Тэд өнгөрсөн шөнө "B" хэсгийн аваргын төлөө Украины "Natus Vincere" багтай тоглож 0-2 (Mirage 3-13, Ancient 9-13) харьцаагаар хожигдлоо.
Дэлхийн аварга Natus Vincere тун жигд тоглолтыг үзүүлсэн бөгөөд тоглолтын шилдгээр Валеры "b1t" Ваховскы нэрлэгдэв.
Ийнхүү playoffs-т шалгарсан шилдэг зургаан багийн нэг The MongolZ эхний тоглолтоо "А" хэсгийн гуравдугаар байраар шалгарсан Туркийн "Eternal Fire" багтай хийхээр болов. Eternal Fire баг хэсгийн шатанд "FaZe Clan", "3DMAX", "Team Falcons" зэрэг хүчирхэг багуудыг буулган авсан юм.
Хоёр баг өмнө нь дөрвөн тэмцээний хүрээнд таарч 12 map тоглосноос 7-д нь Баянбатын "maaRaa" Эрдэндалай дасгалжуулагчтай монгол залуус ялсан байна. Тэд хамгийн сүүлд "IEM Rio 2024" тэмцээний үеэр учраа таарахад The MongolZ 2-1 харьцаагаар хожсон юм.
Олон улсын түвшинд ийнхүү олон удаа таарсан, нэгнийхээ тоглолтыг тун сайн мэдэх өрсөлдөгчид энэ сарын 7-ны 22:45 цагаас "Spodek Arena" цэнгэлдэхэд хүрээлэнд тоглоно.
