Richard Curtis найруулагчийн 2003 онд найруулсан “Love actually” кино нь одоог хүртэл олон хүн үздэг алдартай шинэ жилийн кинонуудын нэг билээ. Харин өдгөө 21 жилийн дараа тус киноны найруулагч шинэ жилийн холбогдолтой нэгэн хүүхэлдэйн киног гаргажээ. Энэ хүүхэлдэйн кино бол “That Christmas” хэмээх энэ сард Netflix-т цацагдсан шинэ хүүхэлдэйн кино юм.
Энэхүү хүүхэлдэйн кино нь найруулагч Richard Curtis-ийн дуртай хүүхдийн 3 номноос сэдэвлэн бүтээгдсэн байна. Мөн тус хүүхэлдэйн киноны ард олон алдартайн хүүхэлдэйн киноны найруулагчид болох Otto болон Nicole. P Hearon нар хамтран ажиллажээ. Эдгээр найруулагчид нь “Moana, Frozen, Death&Robots” зэрэг хэн бүхний мэдэх хүүхэлдэйн кинонуудын найруулагчид билээ.
Richard найруулагч Netflix-д өгсөн ярилцлагадаа “Энэ хүүхэлдэйн кинон дээр гарах газар нь миний сүүлийн 20 жилийн турш Англид шинэ жилээ гаргасан газрыг дүрслэн оруулсан. Тиймээс миний шинэ жилийн баярын дурсамж шингэсэн гэж хэлж болно.” гэж ярьжээ.
Анх найруулагчид хүүхэлдэйн киноны гол дүр өвлийн өвгөнийг Америк хүн хэмээн төсөөлж байжээ. Харин удалгүй Brian Cox-г гол дүр болох өвлийн өвгөний дүрд дуу оруулуулахаар шийдсэн байна. Энэ хүүхэлдэйн кинонд өвлийн өвгөн дүрээсээ гадна өгүүлэгч маягаар дуу оруулан гардаг нь үйл явдлыг илүү дотно өвөрмөц маягаар үзэгчдэд хүргэхэд тусалжээ.
Үйл явдал: Киноны үйл явдал Вэллингтон хэмээх зохиомол хотод өрнөдөг. Ерөнхийдөө гэр бүлүүд болон найзуудын хоорондох харилцааг харуулсан шинэ жилийн баярын үеийн адал явдлуудыг гаргах болно. Өвлийн өвгөн өөрийн анхааралгүй байдлаасаа болж олон хүнтэй уулзаж, ихэнхдээ тэдний амьдралд томоохон өөрчлөлтүүдийг авчирна. Түүний хийх зүйлс нь гэр бүлийн харилцаа холбоо, хайр болон ганцаардлын асуудалтай хүмүүст эерэг сэтгэл хөдлөлийг бэлэглэн түгээхийг зорьдог. Энэ хүүхэлдэй кино нь бүх насны үзэгчдэд зориулсан ба сэтгэл хөдөлгөм түүхүүдийг өгүүлэх болно.
Хүүхэлдэй киноны дууг Ed Sheeran дуулсан.
Энэ хүүхэлдэй кинонд зориулан Ed Sheeran “Under the Tree” хэмээх дууг дуулжээ. Ed Sheeran хэлэхдээ “Би энэ ажилд ахтайгаа хамтран ажилласан нь маш том туршлага боллоо. Мөн миний хүүхдүүд үзэх боломжтой уран бүтээл бүтээхэд дуугаа хүргэж ажилласандаа их баяртай байна. Олон хүний хүртээл болсон хүүхэлдэйн кино болно гэж итгэж байгаа.” гэжээ.
Одоогоор тус хүүхэлдэйн кино нь Imdb дээр 6,8 үнэлгээтэй байгаа байна.
Эх сурвалж: Tudum, imdb
