“Өсвөрийн зохион бүтээгч 2024" үзэсгэлэн өнөөдөр Хүүхдийн урлан бүтээх төвд нээлтээ хийлээ.
Тус үзэсгэлэнд Улаанбаатар хот, Дархан Уул, Сэлэнгэ, Өвөрхангай аймгаас 60 гаруй сурагчдын нийт 41 бүтээл иржээ.
Монголын зохион бүтээгчдийн нэгдсэн холбооноос санаачлан зохион байгуулж буй энэхүү арга хэмжээ нь хүүхдийн шинжлэх ухаанч мэдлэг, чадварыг нь нэмэгдүүлэх, өөрсдийн сонирхлоор хамт олонтойгоо туршилт судалгаа хийхийг дэмжиж зохион бүтээх авьяас чадварыг хөгжүүлэх, ирээдүйн мэргэжил сонголтоо хийхэд нь дэмжлэг үзүүлэх туршилт бүхий оюуны бүтээлүүдийг шалгаруулж, урамшуулах, шилдэг бүтээлүүдийг сурталчлах зорилготой юм.
