Netflix-ийн шинэ хүүхэлдэйн кино болох “Spellbound” анимейшин цацагдахад хэдхэн хоног үлджээ. “Spellbound” нь гэр бүлийнхэнтэйгээ тухлан суугаад үзэхэд тохиромжтой уран зөгнөлт, адал явдалт анимейшин юм. Мөн уламжлалт хүүхэлдэйн киноны өнгө аясыг халан орчин үеийн хэв маягийг шингээж бүтээснээрээ онцлогтой.
“Spellbound” юуны тухай өгүүлэх вэ?
Уг анимейшин нь Лумбриа хотын хаан болон түүний гэр бүлд тохиолдож буй адал явдлыг өгүүлнэ.
Эллиан бол Лумбриа хотын хааны охин. Тэднийх аз жаргалтай гэр бүл бөгөөд хаан, хатан хоёр санамсаргүй байдлаар нууцлаг шившлэгт өртөж том мангас болон хувирна. Эллиан охин аав ээжийгээ буцааж хүн болгохын тулд бүхий л чадлаараа тэмцэж төсөөлөмгүй зүйлүүдтэй учирч буйгаар үйл явдал өрнөнө.
Хэзээ Netflix-ээр цацагдах вэ?
“Spellbound” анимейшин энэ оны арваннэгдүгээр сарын 22-нд албан ёсоор Netflix-ээр цацагдана. Харин Нью-Йорк хотын Парисын кино театрт аль хэдийн нээлтээ хийжээ.
Жүжигчдийн бүрэлдэхүүнд хэн байгаа вэ?
- Rachel Zegler - (West Side Story, The Hunger Games: The Ballad of Songbirds and Snakes)
- Nicole Kidman - (Paddington, Aquaman)
- Javier Bardem - (Lyle, Lyle, Crocodile, The Little Mermaid)
- John Lithgow - (Shrek, Footloose)
- Jenifer Lewis - (The Princess and the Frog, Sister Act)
- Nathan Lane - (The Lion King, Mouse Hunt)
- Tituss Burgess - (Unbreakable Kimmy Schmidt, The Angry Birds Movie)
Зохиолч болон найруулагчаар хэн ажиллаж байна?
“Spellbound” хүүхэлдэйн киног “Skydance Animation” кино компанийн бүтээл бөгөөд зохиолчоор Vicky Jenson буюу бидний сайн мэдэх Shrek киног зохиосон зохиолч мөн Lauren Hynek (Mulan), Elizabeth Martin нар ажиллаж байна. Найруулагчаар Vicky Jenson өөрөө ажиллаж байгаа аж.
Эх сурвалж: Netflix
